香港兒童快樂指數調查報告 小朋友做咩最開心？

香港人嘅快樂指數每年愈跌愈低已經唔係新鮮事，原來連小朋友都覺得唔開心！早前香港小童群益會就對「香港兒童快樂」進行調查，同時配合近年社會對兒童閒暇、遊戲嘅關注，從小朋友今年對各項指數嘅評分可見，2019年是歷年來分數最低的一年。

今次嘅調查主要目的係了解兒童嘅快樂狀況，同埋喺兒童進行遊戲時嘅情況同時間，及其與兒童快樂嘅關係。呢個調查搵咗一群由6至17歲嘅小朋友，以自填問卷方式進行，最後一共收到1083份有效嘅問卷。

Photo from Shutterstock

2019年的兒童快樂指數平均分數是7.07（最高為10分），對比去年的7.14分，下跌0.07分。其中，15至17歲嘅兒童平均分數係歷年來最低嘅，只有5.94分，情況嚴重，值得關注。

Photo from Shutterstock

令兒童感到最快樂嘅事係「放假」，其次係「玩手機/打機」、「和朋友一齊玩」、「看 YouTube /網上影片」同埋「有時間做自己喜愛的事」。

Photo from Shutterstock

聯合國兒童基金會建議兒童每日要有1個鐘嘅遊戲時間，但今次嘅調查發現，兒童喺要上課嘅日子有 54.0%遊戲時間不足1小時，喺非上課日子亦有 25.0%遊戲時間不足1小時，顯示兒童遊戲時間不足。

Photo from Shutterstock

而導致遊戲時間唔足夠嘅原因，有74.3%嘅小朋友係覺得因為功課、學習繁忙、48%嘅小朋友認為太少空閒時間及32.7%嘅小朋友認為佢哋更需要休息時間。所以對佢哋嚟講，喺咁多課業嘅生活當中，唯有放棄遊戲爭取多啲時間休息。

Text：Mami Editorial
Source：香港小童群益會