帶住小朋友要注意！10個乘搭扶手電梯重要事項！

今日起一連4日復活節假期，相信爸各位爸媽媽都急不及待帶小朋友出街玩。近年，扶手電梯經常都有大大小小嘅意外發生，加上紅日去到邊都人多擠逼，意外隨時都有機會發生，帶住仔女就更加要注意安全啦。

1. 最緊要緊握扶手，仲要企定定喺梯級黃線之內。

2. 切勿將身體伸出扶手以外。

3. 切勿在扶手電梯止亂跑及嬉戲。

4. 使用嬰兒車時應避免乘搭扶手電梯，如有需要，應將BB車摺起及抱緊BB。

5. 有帶雨傘嘅話，就記住拎起佢，唔好插喺梯級面嘅槽坑入面或者梯級之間嘅空隙度。

6. 媽媽們如果著長裙嘅話，就要特別小心裙邊被梯級之間或者旁板同梯級之間嘅空隙夾住。

7. 如果著膠底布鞋、拖鞋或涼鞋嘅話嘅話，一定要加倍留意梯級之間或者旁板同梯級之間嘅空隙，唔係鞋子同腳趾都有被夾住嘅危險。

8. 只可在緊急情況下使用緊急按鈕，平時不得亂按該掣。

9. 出入扶手電梯時，應提起腳步，否則容易失重心跌倒，鞋子前端亦容易被夾住。

10. 小朋友切忌單獨乘搭電梯，記住要搵大人陪同先好搭啊！

睇落好似好容易，只要做齊以上10點，就可以盡量避免有意外發生啦！

Text：Mami Editorial
Source：機電工程署