學校爆發乙型流感 23名學童中招 必睇三大預防方法

日前，柴灣聖保祿天主教小學爆發乙型流感個案，23名年齡介乎9至12歲嘅女童，喺本月9日起先後出現發燒、咳嗽及喉嚨痛等，全部人已求醫，毋須入院。惟其中兩名學童證實對乙型流感病毒呈陽性反應。衛生防護中心人員已視察學校，並呼籲如果學生發燒應立即求醫及唔好返學。

乙型流感係季節性流行性感冒（流感）嘅其中一種，病徵可包括發燒、咳嗽、喉嚨痛、流鼻水、肌肉痛、疲倦同頭痛；亦可能出現嘔吐和腹瀉等。咳嗽會比較嚴重兼且持續較長時間，但發燒同其他病徵一般都會喺五至七天內自行減退。另外，免疫力較低嘅人士或長者一旦染上流感，可以係嚴重嘅疾病，並且可能會出現支氣管炎或肺炎等併發症，甚至死亡。

Photo from Shutterstock

患者可以喺病發前約一天至病發後五至七天內感染他人。而幼兒或免疫功能嚴重受損人士的傳染期甚至會更長。傳播途徑主要透過咳嗽、打噴嚏或說話時產生嘅飛沫。

Photo from Shutterstock

預防方法包括「季節性流感疫苗接種」，疫苗能夠安全且有效地預防季節性流感及其併發症。所有年滿6個月或以上人士都應接種流感疫苗。第二，「保持良好嘅個人衛生」，經常保持雙手清潔及以梘液洗手、患病期間應戴上口罩等。第三，「保持良好嘅環境衞生」，勤清潔同消毒常接觸嘅表面，如傢俬、玩具。使用1比99稀釋家用漂白水消毒後再用水清洗。另外，亦要保持室內空氣流通及避免去人多擠逼或空氣流通欠佳嘅地方。

Photo from Shutterstock

Text：Mami Editorial
Source：衛生防護中心