一句話辣㷫坐月媽媽： 5大禁忌說話要慎言 丈夫、家人切勿玩火！

坐月是爸爸媽媽生BB後最難熬的一段日子：初生嬰兒對新環境未適應、每三至四小時餵一次奶、媽媽產後傷口疼痛、被惡露纏繞兩至三星期或以上⋯⋯而面對種種難題而又長期缺乏睡眠下，當聽到以下說話，真的有機會觸動到媽媽的情緒啊！

無論作為丈夫抑或是家人，面對以下情況盡量慎言：

1.  BB似爸爸多啲（靚嘅地方似爸爸，唔靚地方似媽咪）

Photo from PRESSLOGIC

有邊個媽媽含辛茹苦生BB出來，希望聽到BB似爸爸，唔似媽媽？其實BB有地方似爸爸、有地方似媽媽是十分正常之事。

但每當提到生得似爸爸／媽媽這話題，（除非BB真的跟其中一方成個餅形一樣）爸爸的親朋戚友大多數都會話BB似爸爸；媽媽那邊的親朋好友亦會話似媽媽，因為他們最熟你，最能發現到BB跟你相處的地方嘛～

所以，最佳方法是：找出BB似爸爸／似媽媽的地方來說，既容觀分析又不失雙方。

當然，若果媽媽遇到這情況，不用失落、不開心，放鬆心情接受，BB似爸爸／媽媽都是你最心愛的寶寶，你一樣都會愛他／她嘛～

2.  你咁樣抱／咁樣做唔啱，要咁咁先得……

Photo from PRESSLOGIC

當個新手媽媽／新手爸爸，最容易聽到長輩們的質疑，明明健康院教過是這樣抱／這樣做，但長輩們的做法卻是相反？其實隨著時代的變遷，照顧小朋友的方法與上一代會有少許分別，但長輩們的做法亦有他們的出發點所在。他們的出發點都出乎愛，若不愛BB、不關心BB，當然不會太過著緊啦！

3.（當揀咗餵人奶……）你有無奶水㗎？夠唔夠餵飽BB？

Photo from PRESSLOGIC

當媽媽選擇餵人奶，其實存在很大的勇氣和愛BB的心，想將最好的給BB。若果媽媽真的不夠奶，其實應該亦會感到氣餒和挫敗，這個時候說這話等如刺中她的弱點深處。爸爸不妨為妻子想想解決辦法，如提供催奶之食物：木瓜奶或魚湯等。

4.（當揀咗餵奶粉……）都話咗餵人奶好啲，對BB好啲㗎……

Photo from PRESSLOGIC

當媽媽選擇餵人奶，不代表媽媽不夠愛心、不愛BB，當中可能存在很多其他因素：如產後身體虛弱、不夠奶水、坐月期間過於勞累等等⋯⋯家人應該體諒，尊重彼此之間的決定、選擇，其實愛的表現有很多種，又怎會局限於餵人奶這一範疇呢？

5.（當小朋友有黃疸，要照燈，或者有皮膚問題）都話咗陀B個陣要戒口／遺傳曬媽咪啲皮膚啦！

Photo from PRESSLOGIC

當小朋友不幸有黃疸，需要頻密去醫院照燈／皮膚敏感，其實父母都會心痛。再追溯前事，其實亦無補於事，反而打擊父母的信心。而且，初生嬰兒有黃疸，其實只要按照醫生的治療方法，不久就會退；而嬰兒皮膚問題亦會有相應的解決方法，新手爸媽亦不用過於憂慮。

Text: Mami Editorial