與黃心穎出軌震驚全港 許志安將無限期停工反省

今日被爆出同黃心穎偷食嘅許志安，啱啱喺銅鑼灣富豪酒店舉行記者會交代事件。安仔一出嚟就即刻鞠躬道歉，表示自己真係做錯咗一啲好錯嘅事，而呢個錯已令佢深深反思自己。

安仔表示雖然當晚飲咗好多酒，但絕對唔係藉口，亦原諒唔到自己。佢以「嘔心」、「陌生」、「不知所謂」等詞言形容自己，為咗承擔呢個錯，佢即時暫停所有工作，直到佢搵得返佢自己。

Photo from PressLogic

佢最後公開對老婆Sammi道歉，表示將會好好反省！記者會完結後，安仔馬上喺社交平台發文：「這是一件不可能被原諒的錯事，我不敢奢求原諒，因為我也沒有辦法可以原諒我自己。我只可以深切反省，並以最誠懇的態度，去為所有因爲這次事件而受影響的人，去說一聲，我真的做錯了，難辭其咎，對不起！

Photo from PressLogic

我沒有任何籍口，犯下了如此嚴重的行為，令到我的家人、朋友及所有愛我的人徹底失望，我感到非常遺憾和歉咎。我亦願意承擔由這次事件所引起的一切後果和責任。

最後作為一個丈夫，我要向Sammi說對不起，這是一個徹頭徹尾的錯誤，我感到慚愧及痛心。請大家給予時間和空間我去學習怎樣去改過及重新去做一個人。」

在 Instagram 查看這則貼文

Andy（@andyhuichion）分享的貼文 於 PDT 2019 年 4月 月 16 日 上午 4:11 張貼

安仔同Sammi呢對被譽為「香港最後一個童話」嘅夫妻搞成咁，真係令一眾粉絲心碎，叫大家以後仲點相信愛情啊？

Text：Mami Editorial
Source： PressLogic