孕媽媽情緒變敏感 容易出現產前抑鬱 聽到呢5句說話最影響情緒

孕媽媽情緒變敏感 容易出現產前抑鬱 聽到呢5句說話最影響情緒

孕媽Daily
Byrachel.lo on 11 Apr 2019

孕媽媽有咗BB後,情緒都會變得敏感起黎,好容易會因為一啲說話而影響心情,出現產前抑鬱,以下5句係常見令孕媽媽感到情緒低落嘅說話:

Shutterstock
Photo from Shutterstock

1. 大肚就搭的士啦!

好多時去搭巴士或地鐵,冇人讓座都唔緊要,最無奈係人多擠迫時,為免壓到胎兒,媽媽都會用手掩護一下自己個肚,或出聲提點其他人小心一點撞到自己,但就會有人出聲指責孕媽媽唔想迫就搭的士,令孕媽媽感到委屈。其實每個人都有搭任何交通工具嘅權利,大家不妨互相體諒一下!

Shutterstock
Photo from Shutterstock

2.你唔好亂食嘢啦!

媽媽食落肚嘅食物,BB都有份吸收,所以為咗BB可以健康發育,媽媽都會盡力忍口,唔食可感會對BB造成危險嘅食物,但有時亦會控制唔到自己去食一啲熱氣嘢、零食或海鮮類,一旦被親友發現就會被指責咁都忍唔到口,亂食嘢會害到BB,令媽媽非常內疚。其實懷孕期只要避開會引起胎兒異常或流產嘅食物,其他零食偶爾一食無妨,無謂令孕媽媽感到太大壓力。

3.你自己去做產檢都得啦!

孕期有大大小小產檢同各大媽媽會嘅講座,媽媽當然希望會有另一半一齊參與,去見一見胎兒每個進展,同認音一下照顧初生BB嘅工作,但係有時另一半會覺得自己搵錢緊要,唔方便請假,覺得呢啲嘢媽媽自己一個去都得,唔明白媽媽嘅心思,令媽媽覺得另一半唔緊張自己同BB而傷心。

廣告
廣告

Shutterstock
Photo from Shutterstock

4. 大肚呢樣唔做得!嗰樣都唔做得!

大肚的確有好多唔方便同禁忌,如唔可以搬重物、唔好太粗勞都可以理解,但有時長輩堅持要跟足一啲傳統習俗,如:唔可以見其他BB怕胎兒小器、唔可以睇兔仔怕BB會有兔唇⋯⋯等無㮷之談就會令孕媽媽感到相當無癮,覺得自己被禁止嘅事項太多而無自由。

5.我生咁多個又唔見好似你咁!

好多時出自長輩嘅口,唔同孕媽媽喺懷孕期都會有好多唔同嘅孕反應,唔能夠一概而論,有啲孕媽媽會出現孕吐、冇胃口、水腫、恥骨痛等徵狀,或者長輩喺久遠前嘅懷孕期未試過或遺忘咗,就會認為孕媽媽假裝有呢啲不適,而搵藉口要其他人或老公去遷就、去氹同服侍。

Shutterstock
Photo from Shutterstock

Text:Mami Editorial

Photo Source:Shutterstock

Share to Facebook