BB唔肯飲奶生長曲線跌 可以用米水開奶嗎？

當BB開始出現「厭奶期」（有一段時期BB忽然唔肯飲奶，一見到奶樽就會出力推開），爸爸媽媽都會相當落惱，尤其係見到BB生長線明顯下跌，喺壓力下就會各尋辦法想幫助BB重新愛上飲奶，或令BB吸收更多營養。通常老一輩都會教用米水開奶，希望用新嘅味道刺激BB食慾，令BB願意飲返奶，而米中嘅澱粉質充滿熱量，藉以令BB增磅，但呢個方法係咪可取呢？

其實，配方奶本身已經為適齡嘅BB調配出最合適嘅營養，用米水開奶就會打亂本身想畀BB吸收嘅營養比例組合，有機會令BB出現消化不良、腹瀉或太多營養而過胖。

Photo from Pinterest

而混合米水後，如厭奶BB無法飲晒成樽奶，亦有機會令BB少吸收咗配方奶中嘅營養。由於實在太難掌握到BB可以吸收到嘅成分比例，一般唔建議4個月以下嘅BB飲用米水溝出黎嘅奶，因為佢哋腸胃未發育成熟，擔心會導致不良後果。

而4個月以上嘅BB要飲用前亦應先咨詢醫生或註冊中醫師意見。

Text：Mami Editorial

Photo Source：Pinterest