有幾耐冇同另一半去拍拖？ 爸媽常為孩子錯過二人世界嘅時間

自從BB出世之後，夫妻二人總為小生命忙東忙西、為照顧嘅各項大小事情而起爭執。曾幾何時，曾向對方表示永遠係生命中最重要嘅人，但就喺不知不覺間，BB逐漸佔據著自己同另一半嘅心，而且分量愈黎愈重。以下嘅情況，大家又感到熟悉嗎？

1. 去拍拖不如湊BB

間中想二人世界下，同另一半去拍下拖，重新感受戀愛。但手中拖住另一半隻心，心中就萬分掛念喺家中嘅BB，即使同另一半去行街食物購物，一開口就係BB，連買嘢都係諗啱唔啱BB，最後大家都因為太掛住BB而提早結束約會，盡快返去見BB好過。

Photo from Pinterest

2.夫妻分開瞓

當BB開始大，夜晚瞓覺總愛黐住大人一齊瞓，點都唔肯瞓BB床。但雙人床空間有限，瞓三個人終究太迫，加上BB瞓覺時姿勢太爛，常常會無位俾BB碌黎碌去，最後為咗大家都可以瞓得舒服啲，演變成媽媽同BB瞓而爸爸去瞓梳化。

Photo from Pinterest

3.鮮少有親密行為

有孩子以後，爸媽之間愛愛嘅次數都急劇減少，一黎因為太攰，二黎深怕孩子會忽然瞓醒，所以不如咩都唔好做，一齊好好瞓個覺迎接第二日嘅湊仔生活。

Photo from Pinterest

二人世界變成三人家庭，由夫妻身份變成爸爸媽媽，責任心同父母嘅愛都驅使大家喺各種生活決定上作出改變，有共識咁將BB放喺首要保護嘅位置。以前嚮往二人世界嘅浪漫，而家就享受三人家庭嘅樂趣，最緊要係生活得開心又幸福！

Text：Mami Editorial

Photo Source：Pinterest