4件事證明BB長大 好唔捨得BB大得咁大 令媽媽感欣慰又失落

爸爸媽媽總會有一種矛盾心情，一方面希望BB快高長大，學識自理令爸媽可以省掉好多育兒工作，但當BB真係長大，內心又會感慨萬千，希望BB唔好大得太快。隨著時日過去，默默發現到以下嘅小小轉變，爸爸媽媽都會慨嘆，原來BB不知不覺已經長大，真係好唔捨得！

1. 衫褲唔岩著

係最明顯嘅變化，BB大得真係好快，尤其係初生階段，幾乎每隔1、2個月啲衫褲就會唔啱著！望著件件BB衫都好靚，但有啲只係著過1、2次就冇機會再著，媽媽都會感到特別失落。

Photo from Shutterstock

2. BB床唔夠瞓

明明一開始，BB只係佔BB床一半都冇嘅長度，但係話咁快就開始伸唔到腳，有時隻腳仲會伸咗出床欄之間，呢個時候就知BB已經高咗好多，係時候要轉床喇！

Photo from Shutterstock

3. 少咗肥肉

明明以前BB肥肥白白、好好肉地，一對肥手肥脾真係睇到爸媽口水直流想咬一啖，但BB愈大愈收水，嬰兒肥漸漸消失，開始變成小男孩／小女孩模樣，告別BB樣喇！

Photo from Shutterstock

4. 抱BB愈黎愈吃力

以前單手抱BB都仲可以輕鬆自如，但當BB愈大愈重，單手要舉起十幾公斤，真係隨時感到手斷腰斷，經常要另一隻手幫手托住，不過好彩小朋友識行識走，就算冇帶車或揹帶，都可以放低BB俾雙手休息下。

Photo from Shutterstock

Text：Mami Editorial

Photo Source：Shutterstock