小可仁不敵病魔去世離世前曾流血不止及無法進食

By race.cheng on 02 Apr 2019

未夠1歲嘅小可仁接連不幸患有罕見病，爸爸透過中文大學醫學院帖文籌款醫治仔仔，籌得1900萬。但可惜經歷多次化療後，小可仁仍不敵癌魔，喺踏入22個月大前，喺睡夢中離世。

據消息指，小可仁1月底時病情曾有好轉，亦計劃了2月中會進行抽取幹細胞手術，但新年後病情出現惡化，腫瘤擴散至牙肉及下顎骨，導致嘴唇爆裂及不時流血，需要用嗎啡止痛。醫生其後加重化療藥物，並提早進行免疫治療，但情況仍未見好轉，加上藥物副作用太大，導致小可仁出現貧血同肚瀉等情況，而且無法進食。

Photo from 中大校友慈善基金

爸爸指，小可仁離世前2日已無法進行急救，因為出現流血不止情況，眼見仔仔如此痛苦，同老婆都已經唔忍心要佢再痛苦落去，最後仔仔可以喺睡夢中同自己仲有媽媽陪伴下重返天國都係一種安慰。

小可仁出世4日就受到病魔纏繞，先確診患由罕見心臟病，其後再被診斷患上「第四期神經母腫瘤」，癌細胞不斷擴散，家人亦需要透過醫學院籌錢幫助醫治。而該次嘅募捐行動，引起全城唔少人響應，包括超過3,200人嘅個人捐款共約640萬元、劉鑾雄慈善基金690萬元、一位無名氏340萬元、古天樂慈善基金20萬元、張安德慈善基金10萬元。