媽媽生完BB後變「孕傻」 經常忘東忘西 10種食物幫助增強記憶力

好多媽媽喺生完BB後，都會發現自己記性差咗好多，唔單只經常出街帶漏嘢、忘記啲重要日子（如BB出生日期或紀念日）、或做一啲瑣碎事情都經常有甩漏等⋯⋯令媽媽自覺自己好冇用，擔心自己以後都係咁，無法做一個精明能幹嘅好媽媽。

關於呢種「孕傻」現象，有澳洲大學曾做過一個研究，收集近一千二百多名婦女嘅數據，發現當中約八成孕婦都曾經歷「孕傻」現象，媽媽嘅認知能力、記憶力、專注力同解難能力都會減弱，而呢種情況並唔係產後先出現，而係喺懷孕約29至40周就已經開始，研究人員估計係同媽媽喺懷孕期間嘅大腦中央神經系統內灰質減少有關。推斷係大腦「徵召」呢啲灰質去協助胎兒發展，例如建立認知能力、社交能力等，但實際原因並未明。

雖然媽媽記性變差未至於會嚴重影響到日常生活，不過都會帶黎小困擾同影響媽媽嘅情緒，想盡快恢復記性嘅媽媽，不妨試下從飲食入手，平時多食呢10種食物，對增強記憶力都有幫助呢！

1.藍莓

藍莓含強力抗氧化物可減緩老化、活化腦力同增強記憶力！

2. 深海魚

魚類脂肪含豐富omega-3脂肪酸能夠保護心臟、預防中風，令人類保持頭腦靈活，令記憶力變佳！專家建議最好每星期食兩至三次魚類：鮭魚、鮪魚、沙丁魚、鯖魚等會更好！

3.全麥麵包

全榖類富含維生素E、維生素B1、葉酸同菸鹼酸等，全都係維持正常大腦機能必要嘅營養素。

4. 菠菜

有「蔬菜之王」美譽嘅菠菜，有助維持大腦年輕活力。

5.堅果

堅果含單元不飽和脂肪，有降低膽固醇嘅功能；豐富嘅維生素E、硒等抗氧化物質，可以保護腦細胞唔會受到自由基嘅損害；礦物質──硼，能夠影響腦部嘅電流活動，令人嘅反應變得更靈敏。

6.雞蛋

蛋黃中富含卵磷脂，是負責人體記憶力嘅神經傳導物質其中一種主要原料。雞蛋中富含葉酸和維生素B12，有研究指出，如果長期缺乏呢兩種營養素，會令記憶力減退，甚至可能增加罹患失智症嘅機率。

7.燕麥

燕麥裡含有一種叫作「β-聚葡萄糖」的可溶性纖維物質，能夠阻礙膽固醇的製造和吸收，使血液中膽固醇濃度降低，以減少日後罹患阿茲海默氏症的機率。

8. 南瓜、南瓜子

南瓜含有抗氧化物質β蘿蔔素，可以幫助大腦保持年輕有活力。荷蘭有研究發現，多攝取富含β蘿蔔素食物嘅人，一生可以維持較敏銳嘅思考能力。

至於南瓜子含有鋅，係促進大腦機能嘅重要物質！如果鋅攝取量不足，會容易出現記憶力衰退、注意力唔集中嘅問題。

9. 豆腐

豆製品中含有異黃酮素，對促進記憶力同預防失智症有幫助。國外曾有一項研究將學生分成兩組，其中一組連續十星期飲用豆漿、進食黃豆布丁等食物，相比起另一組冇食大量豆製品嘅學生，唔單只記憶力有進步，連反應都變快呢！

10.葡萄柚

葡萄柚富含維生素C，擁有抗氧化功能幫助腦細胞免受自由基破壞。更重要嘅係，人體喺合成記憶力嘅神經傳導物質嘅時候，都需要維生素C嘅參與！

Text：Mami Editorial

Photo Sources： Pinterest