研究：媽媽有粗腿、大屁股，呢啲部位脂肪富含DHA，能促進胎兒大腦發育

以前老一輩經常會用「好生養」黎形容有大屁股嘅女性，認為屁股同腿部脂肪愈多嘅女性愈有機會生出聰明嘅BB，究竟係唔係真㗎呢？

美國匹茲堡大學研究發現，女人屁股愈大、大腿愈粗，生出黎嘅小朋友會愈聰明。研究人員解釋，由於生成神經系統需要大量脂肪，而臀部同大腿嘅脂肪富含DHA，係發展BB腦神經中非常重要嘅營養來源，可以好好咁構建嬰兒大腦。

研究表明，女性嘅腰圍同臀圍嘅差距愈大愈好，因為臀部上的脂肪酸係Omega-3，可以改善女人同懷孕期間胎兒嘅精神能力。相反腰部嘅脂肪中含有Omega-6脂肪酸，呢種脂肪酸唔單只唔適合胎兒大腦發育，而且仲可能會引起糖尿病同心臟病。

簡單啲講，即係腰幼屁股大嘅啤梨形身材生出黎嘅孩子會聰明啲。

不過值得注意嘅係，亦有其他學者認為呢個研究過分誇大臀部DHA嘅重要性，因為亦有好多其他研究指出BB嘅智力同所攝取嘅DHA無直接關係。所以信不信由你喇！

小編就覺得，無論媽媽嘅身材係點、孩子聰唔聰明都好，最緊要都係大家健健康康，生活得幸福又快樂！

Text：Mami Editorial

Photo Sources：香香 @ IG, Coffee @ IG, 胡杏兒 @ IG