【無意中發現春日市集一齊食買玩逛】

By 媽媽魚魚 on 19 Mar 2019

上星期魚魚媽媽無意間係零碳天地發現一個小小市集

魚魚媽媽超級鐘意小手作，所以就衝咗入去睇下啦。

依個春日市集以“食買玩逛”為主要的市集,有特色嘅有機食品,飲品,有自家設計及製造嘅手飾及衣着,仲有天然護膚品,最後唔小得不同表演者為大家帶來柔和嘅音樂,為大家帶嚟舒服的周末日下午。由於主辦單位安排每個檔口都有一定嘅距離，所以一定唔會逼，推住BB車都一樣可以慢遊，慢慢睇。天氣又唔算係好熱，配合埋柔和嘅音樂，側邊有一片小草地，真係可以悠閒咁過一個舒服輕鬆嘅下午。

天然嘅蚊磚

仲有唔同嘅皂

水果果醋

女士恩物-車厘子

腸胃救星-香蕉

愛美女士恩物-士多啤梨

青藏

青藏之旅

唔同形狀嘅手作蠟燭

蚊磚

不過依隻蠶豆症BB 唔用得嫁

天然嘅護膚品

日本布料BB帽仔

仲有唔同國家嘅手作

差啲唔記得介紹添，現場仲有表現者唱歌,彈結他。一邊行一邊聽住柔和嘅音樂，寫意到爆。

Hey Rachel - 香港獨立創作歌手

為個人EP「或遠或近」作曲詞編監撰寫音樂，當中歌曲《一個人》被選用為ViuTV電視劇集《三一如三》首集的主題曲並參與幕前拍攝。過往演出包括：texwood x WWF 音樂夜、Sofar Sounds HK、wow and flutter本地薑週末、新城不一樣清涼音樂會、中環海濱香港龍舟節、Heritage Vogue、DIOR Rock At Heart音樂會等。曾接受媒體專訪包括：蘋果日報音樂專欄、Milk Magazine PEOPLE專欄、Freshman Music Magazine、903《叱吒樂壇》《今日正今日聽》、881《1圈圈》、新城《勁爆樂勢力》《音樂現場》《知音四寶》《大世界好香港》、RTHK2《騷動音樂》等。其他合作包括：港台電視節目《硬地音樂 I》主持、麥花臣節 x 小肥《談情一世》開幕聲演、《依然小肥演唱會》澳門站及香港站和音、《黃翊最愛是你演唱會》和音、STARBUCKS廣告音樂製作及幕前拍攝、Pizza Hut廣告音樂製作等。