楊愛瑾婚後一年誕下仔仔 今年再誕下小公主成功湊成「好」字

楊愛瑾（Miki）同永安太子爺郭永淳結婚後一年就誕下仔仔Luken，去年又再宣布懷孕，今日就同大家分享「小天使已經嚟到喇！」

Miki喺社交網站分享同囡囡嘅合照，更引用經文指「一切美好嘅事物都係由上帝帶來！」睇嚟好期待囡囡嘅來臨，多謝請上帝讓佢再一次懷孕，而Miki亦指，自己從來未諗過，自己會係2寶媽！

依位小天使已經改好名，叫Emma，因為媽媽Miki指囡囡嘅出現令到屋企更加完美！大仔Luken亦一直期待妹妹出世，每一日都會錫住媽媽嘅肚，話自己係「Big Brother！」

Miki指，知道做媽媽依條路會好長，而且未必下下咁順利，但已經準備好迎接未來，會盡所有努力做好一切！而且仔仔出世後，令到Miki更加覺得人生好美滿，一直只係諗自己畀幾多小朋友，逼到自己好大壓力，但其實仔仔都不斷付出，帶好多溫暖畀媽媽，所以覺得一切都值得，期待囡囡來臨後會令到整個家更美滿！

Text：Mami Editorial

Sources： Miki@IG