1歲女兒打瀉粥後出絕招 爸爸被天使笑容萌倒自嘲冇用：「千萬別生女兒！」

當爸爸面對前世情人嘅時候，總係無招架之力！台灣有一位爸爸喺社交平台「爆怨公社」發文，表示1歲女兒最近食飯時唔小心打瀉咗一碗粥，女兒竟喺爸爸開口鬧自己之前，搶先施放出「天使療癒笑容」絕招，被萌技重重擊中嘅爸爸忍唔住衝口而出： 「媽的！」

呢位爸爸喺帖文中上載一張女兒萌萌笑容嘅相，相中女兒長得非常可愛，加上甜甜嘅笑容，絕對可以令每位爸爸媽媽個心都溶化！爸爸透露女兒日前食飯時倒瀉咗一碗粥，然後立即向爸爸露出呢個超可愛嘅笑容，被笑容迷倒嘅爸爸都忍唔住自嘲冇用，最後唯有自己乖乖哋去重新添過一碗粥。

呢張女兒「做錯事」嘅無辜表情相一出，大量網友都被小女孩嘅笑容收服，紛紛留言表示：「你是該乖乖當奴才！」、「這笑容太可愛了，沒關係，什麼都沒關係」、「為了小三終身無怨無悔」爸爸亦打趣留言回應千祈唔好生女兒，唔係都會好似佢一樣招架唔住。

所以話，做父母真係好難㗎！尤其係有個笑得咁治癒嘅女兒，又點會鬧得落呢？真係攬住黎錫都錫唔切呀！

Text：Mami Editorial

Photo Source：爆怨公社, Pinterest