李亞男大讚囡囡叻 影足3個鐘都冇扭計

祖藍同李亞男嘅小公主Gabrielle喺迪士尼慶祝百日宴，同場有唔少藝人出席，簡直星光熠熠，媽媽李亞男仲大讚囡囡影足3個鐘相都唔扭計，超叻！

媽媽喺社交網站分享百日宴嘅相，話囡囡屋企帶來好多歡樂，係大家嘅小天使。喺祖藍同李亞男公布Gabrielle嘅中文名，取名王天韻。祖監解釋：「我拍攝《你咪理我愛你》時，阿囡只要一聽到戲入面嘅音樂，就會踢媽咪嘅肚。我覺得佢係天上嚟嘅音樂，所以為佢取名王天韻。」

百日宴另一焦點就係祖藍笑言BB一出世個陣好似「一PAT嘢」，好采之後慢慢收水，變靚返，似返老婆李亞男，仲笑話「其實我嘅DNA都好強，估唔到輸咗畀太太。」而李亞男亦多謝老公照顧，但點知祖藍搞笑回應指：「我都好多謝你呀！因為王家因你而改變！醫生話囡囡喺同齡的BB嚟講算係高㗎！」

Text：Mami Editorial

Sources：李亞男@IG