【媽媽全職湊BB 3姑6婆老是常出現】

Hey!魚媽未生BB之前係一名半職診所助護同兼職化妝師...閒時同魚爸去旅行..生活自由又充實...有左魚B已經為安全起見已經無再旅行..

初部計劃放完產假就繼續番工，收工2點接魚B番屋企，但係生左魚B之後我就好似一隻貓媽媽咁要保護自己既BB，盡可能都想自己照顧，所以產假後都再放左一個月無薪假，實不相瞞..魚B係好痴身..

所以唔係每個人都可以照顧佢..經過多番嘗試..以及長老幫唔到忙..魚B爸就叫我轉做全職媽媽..全力照顧魚B..

相信[全職媽媽]好清楚全日獨對bb..
係有幾忙..幾多野做..
每日0600起身餵奶..泵奶..換片..氹瞓覺..洗奶樽..洗衫..
有時扭起計上黎..連飯都唔得閒食..
等佢瞓左覺先9秒9極速沖涼..
執好野已經係凌晨..瞓2,3個鐘又泵奶...
再瞓2個鐘..已經係0600餵奶時間..
之後又再重覆餵奶..泵奶..換片..氹瞓覺..洗奶樽..洗衫..無限loop...

有時瞓落床會覺得湊bb好辛苦..
不過為左bb我願意放棄好多野..
由全職工作轉為全職媽媽..
心理都有好大轉變..
但我好珍惜亦享受同魚B既親子時光..

不過身邊既3姑6婆老是常出現

[你全職湊無晒自己時間wor..你放手比人湊下啦～我都係咁咋嘛]

[下...你唔做野啦？咁邊有錢呀?]

[做人無工作就無自己既價值架啦…同咸魚一樣]

[咁後生就唔返工..養懶個人wor]

[你咁嘆可以做少奶奶..你老公咪好辛苦...]

好啦！好啦！

其實我做全職媽媽，我同魚爸係有商量，計過度過先做決定既...
照顧bb不是簡單事..
請唔好用你把尺去量度我.. :(

請尊重每位媽媽的決定...

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：Hey!魚媽媽
Photos：Shutterstock

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！