餵奶粉都係好媽媽! 奶粉媽媽同樣全心全意努力照顧BB 想BB好

餵奶粉都係好媽媽! 奶粉媽媽同樣全心全意努力照顧BB 想BB好

媽媽心事
By Mamidaily on 15 Mar 2019

餵母乳嘅好處,個個媽媽都知道,但事實上,亦有好多媽媽基於身體狀況或職場處境而選擇餵奶粉,然而好多時都會被人問:「點解唔餵母乳?」令奶粉媽媽們有時會內疚自己令BB冇人奶飲。

shutterstock_1290103033

其實,好多奶粉媽媽一開始都希望餵哺母乳,只係好多時因意料之外嘅事而無奈轉用奶粉, 如: 奶量唔夠而BB體重不斷下跌、產後因身體不適而要服用需要停餵母乳嘅藥物、工作環境同性質唔允許媽媽餵哺母乳⋯⋯各式各樣嘅原因令媽媽喺衡量BB最大利益嘅情況下,選擇放棄母乳餵哺,改用合適嘅配方奶。

當有人問:「點解唔餵人奶?餵人奶好好㗎喎!」好多時奶粉媽媽會默不作聲,將委屈都吞落肚,然後安慰自己唔需要理會人哋講咩,最緊要自己知道點樣係對自己、BB同家庭最好就得!

shutterstock_722609545

除咗餵奶上嘅分別外,奶粉媽媽都同母乳媽媽一樣,要全天候照顧BB、餵奶、掃風、沖涼、換片⋯⋯全心全意為BB付出。

當母乳媽媽擔心塞乳腺、奶量跌嘅時候,奶粉媽媽同樣有自己嘅煩惱,如BB同食開嘅奶粉唔夾而容易便秘、轉奶粉又怕BB難以適應、用開奶茶又怕唔適合BB體質⋯⋯各有各難處。

shutterstock_93981085

而且奶粉亦唔係萬惡嘅毒藥,亦係非常適合BB嘅食品,同樣可以好好養大BB,長大後都唔會同人奶BB有太大分別,所以奶粉媽媽們唔需要有罪疚感,大家亦唔需要比較母乳媽媽同奶粉媽媽邊個較偉大,只要喺自己能力範圍內能夠做到最好、將最好嘅俾到BB就夠喇!

各位媽媽要加油啊!

Text:Mami Editorial

Photo Source:Shutterstock

Follow Instagram: MamiDaily


Share to Facebook