消委會檢視BB床褥 有半數安全唔符合安全標準

消委會最新檢視市面上8款BB床褥安全，發現有半數安全唔符合歐洲安全標準，更指有床褥會有機會引致窒息意外！

消委會喺是次測試中，發現minimoto太空棉床褥（YB2316）有兩處未能通過硬度測試，容易令BB俯睡時面部陷入鬆軟嘅床褥而窒息。消委會亦引述衛生署指，4至5個月大的嬰兒剛學識翻身，較容易發生意外，所以爸媽喺選擇床褥時要注意床褥硬度，不易太過柔軟或床面太篷鬆。

另外，0/3 baby有機竹纖棉雙面彈簧床褥（G36-OB12060）及Candide（Seasonal Mattress）床褥標籤容易被拉扯脫落，未能通過拉力測試，指出會有可能遮掩BB口鼻導致窒息。

消委會亦建議，爸爸媽媽要減少使用2手床褥，因為床褥經長時間使用後，硬度同尺寸會可能改變，加上香港天氣潮濕，容易令床褥內層發霉，所以衛生問題亦要考慮。

而測試亦發現，C-Max阻燃床褥尺寸同聲稱尺寸差別大，長度同闊度被聲稱嘅差12及16mm，比安全標準10mm多，容易導致BB將四肢、手指、腳趾同頭部夾喺空隙內，造成危險。

Text：Mami Editorial

Sources：消委會