【湊仔好物】帶小朋友去街 輕輕鬆鬆無難度 手機5大APP你要知

【湊仔好物】帶小朋友去街 輕輕鬆鬆無難度 手機5大APP你要知

mami熱話 親子好去處 爸媽分享 親子活動 教育心得
By Cherry on 13 Mar 2019

手機已經係現代人不可或缺嘅一部分,手機除咗通訊,其實仲可以方便我哋湊仔,Facebook 、whatsapp呢啲就唔再講啦!另外有幾個app都可以幫下大家輕輕鬆鬆咁湊小朋友㗎!

 

第一個就係「天氣」、「天文台」啦~天氣翻覆,一時又熱一時又凍,著少件衫就慘啦!

著咩衫、夠唔夠衫、有無落雨都係我哋最關心嘅事,咁先可以靈活咁改變行程,所以天氣app一定要有!

「九巴」app真係幾方便,適合預時間岀門口同返屋企,避免走咗班車、避免同BB企喺度食塵同孭住BB追巴士嘅情況,入面仲有車站嘅街圖睇添,咁就唔怕搵唔到車站!

「Google Maps」入面有街景圖,易認地方好多,去Party room呀、餐廳呀、打個地址就識去啦!仲教埋你交通資訊,我去日本嗰陣都係靠佢咋!


「Don’t cry my baby」聽個名都知超好用,我覺得佢係「暗」訓覺好幫手,由晞初生嗰時就用,入面啲搖籃曲可以用播歌模式,即係播住用/唔用電話都無問題!嗰陣坐月播足一晚,聽聽下自己都訓埋~另外仲有好多岩BB聽嘅聲效:風筒、動物聲、樂器、玩具等等⋯⋯

「香港的士收費」方便我同小朋友周圍去,上個app check下路程同車錢就唔怕俾人兜路收貴啦!當然好嘅司機都有不少嘅,不過起碼有個預算,至少睇下夠唔夠錢呀嘛~

廣告
廣告

==============================

Text & Photos:Cherry

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道