發現仔仔現「約定印記」台灣媽媽感激愛貓守約

對於生死輪迴嘅話題可能大家都係半信半疑，但台灣有位媽媽就深信自己嘅愛貓就係輪迴成為自己仔仔，因為媽媽喺愛貓臨終時嘅叮囑竟然發生咗係仔仔身上。

事關蕭媽媽喺愛貓臨終時叮囑，來世要貓貓做自己嘅小朋友，更以紅色胎記作相認，蕭媽媽憶述指：「曾經同貓貓講，如果有緣分要嚟做我仔女呀，但印記唔好生係臉上，生係屁股等唔顯眼嘅地方喇！咁樣媽媽就會認得你！」

直到貓貓離世後1年，蕭媽媽成功懷孕，但可惜產下仔仔後未有發現其印記「喺仔仔出身後，我曾經全身都檢查過，但連印都揾唔到，曾經一度失望覺得貓貓係唔係唔記得咗約定！」

但點知喺仔仔24日大進行傳統剃頭儀式時，驚覺發現仔仔頭後有紅印，當時蕭媽媽即係聯想到愛貓，更指「如果唔剃頭，可能一世都唔會發現。」

蕭媽媽指仔仔同貓貓嘅神情好相似，例如懶洋洋嘅性格，每日都係食飽瞓，瞓飽就食，覺得一切都好不可思議！

Text：Mami Editorial

Sources：Queena Hsiao@Facebook