每一次嘅懷孕 都係媽媽刻骨銘心嘅記憶

每一次嘅懷孕 都係媽媽刻骨銘心嘅記憶

媽媽日常須知媽媽心事
By Mamidaily on 12 Mar 2019

好多媽媽都會同大家分享自己懷孕或者同BB一齊相處嘅時刻,但當不幸失去BB時,可能就會收埋自己,忍痛獨自承受。而28歲澳洲媽媽就選擇分享自己流產傷痛,用自己嘅故事鼓勵同路人。

媽媽Justine已經係懷孕第2胎,但喺第16週時發現BB停止生長,醫生建議做引產,而引產BB後BB仍然可以存活幾個鐘。經歷2星期討論後,Justine決定按照醫生建議,服下墮胎藥,終止胎盤發育:「吞下墮胎藥嘅一刻,係我一生中最艱難嘅事,但我必須咁樣做。」

1

Justine同老公喺知道懷上囡囡後,就幫囡囡改左個名叫GiGi,意思指係天使的禮物,而大仔Chase亦十分期待見到妹妹,但可惜妹妹離開得太快。

其後,醫生為Justine進行引產,最後同BB GiGi共度咗6小時。Justine憶述指:「我一見到GiGi我眼淚係停唔到,但我知道我唔係要同佢講再見,而係接受佢已經離開,我明白到每一個人都有一個出生故事,同時可能係淒美嘅故事。」

2

雖然BB GiGi喺世上一日都冇,但係佢已經令媽媽Justine刻骨銘心。媽媽指:「當我分享我嘅故事時,有好多媽媽同我討論,指,即使有類似經驗,大家都會選擇沉默,甚至逼自己忘記,因為社會上嘅人唔畀佢地再提起,覺得過世咗嘅BB根本可以當無嚟過;但作為媽媽,我哋就係唯一同一個未出世嘅BB有聯繫,而其他人係未必明白。」

GiGI嘅來臨同離開都令Justine更加明白BB同媽媽嘅聯繫係咩一回事「我希望曾經不幸流產嘅媽媽知道,無論BB走到幾遠,我哋嘅天使寶寶都好重要,可以談論佢哋,因為我地需要做一啲事令自己有地方懷緬,而唔係逼自己忘記。」

Text:Mami Editorial

Sources:Mail Online

Follow Instagram: MamiDaily


小產

Share to Facebook