唔只孕媽媽小心保護BB 原來胎兒喺肚內默默用4個方式守護媽媽健康

好多孕媽媽喺整個孕期中，都會小心飲食、避免做高危動作等想去保護好肚入面嘅BB，但原來BB都同媽媽做緊相同嘅事，會努力盡自己小小嘅力量去守護返媽媽嘅健康，令自己可以順利出世同媽媽見面！

1. 保護媽媽心臟

喺懷孕後期，逐漸增大嘅胎兒會因空間有限而擠壓到孕媽媽心臟等嘅器官，令孕媽媽容易產生氣喘、難以呼吸嘅感覺，雖然偶爾會令媽媽受罪，但係胎兒嘅胎盤細胞可以保護同修復媽媽心臟嘅功能。美國有一間學院曾做過一項實驗，喺懷孕老鼠媽媽受損嘅心臟組織中發現胎老鼠嘅蛋白載體幹細胞，呢啲幹細胞會轉化為母體細胞，修復母體嘅心臟組織。

2.預防媽媽生病

胎兒嘅幹細胞仲可以有效增強孕媽媽身體嘅抵抗力，減少孕媽媽生病嘅次數。

3. 修復受損器官

胎兒幹細胞愈多，對孕媽媽嘅好處亦愈大，幹細胞會被輸送到母體各個器官，發揮修復嘅作用，維持母體良好嘅身體機能。

4. 安慰孕媽媽

當孕媽媽開始感受到胎動以後，一旦好因小事而悲傷、動怒⋯⋯出現情緒不穩嘅狀態時，肚內嘅胎兒好似感受到一樣，會不停郁動彷彿話畀媽媽聽：「唔好唔開心！你唔係一個人，我會一直陪著你。」令孕媽媽情緒變得緩和。

Text：Mami Editorial

Photo Source：Shutterstock