分娩嘅倒數時鐘係由邊個啟動？ 原來BB嘅出世時間係取決於呢個器官

得知自己懷孕後，孕媽媽都會將BB嘅預產期日子牢牢記喺心中，每日都倒數著同BB見面嘅日子。但係事實上，絕大多數BB都唔係喺預產期出世，有啲會喺提早一、兩星期同媽媽見面； 有啲就會「逾期居留」喺媽媽肚內，令媽媽心急如焚，擔心BB再唔出世會有危險⋯⋯其實係咩嘢決定BB嘅出生時間呢？ BB又係點樣知道自己就快出世呢？

關於呢個謎團，好多科學家都非常感興趣，亦做過好多相關嘅研究同實驗。曾經有幾位澳大利亞嘅科學家發表出一個「飢餓理論」，表示當BB感到喺子宮內無法吸收足夠嘅氧氣同食物嘅時候，就會向媽媽嘅大腦發出訊息： 「我肚餓喇！快啲放我出去！」

另一個講法就係，BB嘅大腦時刻監察著BB各個器官嘅發展成熟程度，而BB嘅肺部往往係最後幾日先發育完。

所以當肺部都準備就緒嘅時候，位於BB頭頂嘅鹵門就會釋放出一種叫乳化酶嘅物質，呢種物質亦會刺激孕媽媽嘅身體都分泌相同物質，通知孕媽媽自己已經準備好出世，令孕媽媽嘅子宮變縮，出現各種分娩嘅先兆：見紅、陣痛、穿水。然後孕媽媽就好快可以同BB見面喇！

Text：Mami Editorial

Photo Source： Shutterstock, Pinterest