BB與避孕器出世 決心要嚟做媽媽嘅好寶寶

BB與避孕器出世 決心要嚟做媽媽嘅好寶寶

mami熱話
Byrace.cheng on 26 Feb 2019

美國有媽媽喺社交網站分享一張,一個啱啱出世嘅BB手持避孕器嘅相,留言話「避孕失敗呀!」引來7萬2千人分享!

Lucy生完2個小朋友後,同老公達成共識決定「唔再生!」,所以就進行避孕手術,喺子宮植入「避孕器」;根據廠商保證,避孕效果高達99%!但喺Lucy第三次植入避孕器後,發現自己已經懷孕18週!

17108636

Lucy指:「喺照聲波時都發現唔到避孕器,醫生指有可能已經脫落,但我唔相信。」但Lucy覺得既然避孕後,仍然懷孕,應該係上天送畀自己嘅禮物,所以就決定做3寶媽媽!

17108637

結果,Lucy喺剖腹生BB時,發現避孕器,最後避孕器同BB一齊「出世」。唔少網民都留言話「簡直係地表最強BB!」、「戰鬥力超強」、「邊個都唔可以阻止我誕生!」。

廣告
廣告

17108638

Lucy指:「BB並唔係真係手持避孕器出世,只係屋企人覺得好好笑,所以將避孕器放喺BB手中。」而好朋友覺得好好笑,所以喺社交網站分享,無諗過會引來咁熱烈討論,不過Lucy已經決定今次會做輸卵管結紮,因為「唔想再冒一次喇!」

醫生指,一般避孕器都會放喺胎膜外,如果胎膜破裂不甚進入,同容易引起感染,但植入避孕器時其實懷孕機會相當低,今次BB成功健康出世,真係唔簡單!

未準備好做媽媽,避孕措施唔少得,但話就話99%能夠避孕成功,但有時新生命要跟你嘅時候,剩下嘅1%都會有可能中!

Text:Mami Editorial

Sources:INDEPENDENT

避孕

Share to Facebook