為防仔仔弄丟擦膠 媽媽激發創意出絕招

以為開學前幫小朋友準備文具之後，就可以唔洗再買，咁樣諗真係太天真！開學無幾耐後，小朋友就又要買文具，其中擦膠，爸爸媽媽應該買唔少！

台灣有媽媽發現仔仔成日都唔見擦膠，決定出絕招買左咗舊極大擦膠，仲要整咗條繩畀仔仔掛係心口，上載社交網站後，唔少網民都笑翻。

媽媽指，因為仔仔整唔見擦膠，年中已經買左十幾廿舊，所以呻話「孩子又話揾唔到擦膠喇！」覺得好嬲後，決定買個大擦膠，然後DIY，首先幫擦膠打窿，用線穿過後畀仔仔掛住，留言話：「你再試試弄丟擦膠！」

唔少媽媽都好有共嗚，留言話：「我家也是，10幾個了，都掉進黑洞了嗎？」、「每個家長都會頭痛的問題，難怪橡皮擦公司都不會倒」仲笑媽媽話：「依舊擦膠應該可以用到博士畢業！」睇嚟為咗小朋友，都激發唔少媽媽們嘅創意！

Text：Mami Editorial

Sources：爆料公社