小朋友攰過龍會進入暴走狀態

朋友好攰嘅時候，唔會識得去休息，反而會不停講、不停玩，就好似有問題嘅程式咁，需要重新啓動。如果見到小朋友有以下嘅表現，可能佢地已經太攰，好需要休息，爸爸媽媽可以協助佢地慢慢靜落黎，休息一下或者瞓一覺。

1. 自己不停咁講

有啲小朋友太攰嘅時候，會自己不停講嘢，一句接一句，而且講得好快，就好似一個上咗鏈嘅上鏈玩具咁。

2. 飲醉酒一樣咁興奮

小朋友唔夠休息，自制能力會大大減低，最嚴重嘅情況，就係表現得好興奮，好似大人飲醉酒咁，大叫大笑，唔清楚自己做緊呢咩咁。

3. 坐上車10秒瞓著

最能夠確定佢地真係太攰嘅，就係暴走過後，搭車返屋企嗰時唔洗10秒時間，就瞓著。有啲小朋友，甚至會突然熄機，食食下飯都突然瞓著覺。

Text: Mami Editorial