爸媽賴床時最唔想面對？ 想辦法延長睡眠時間

「你⋯⋯雙眼迷人」但對於爸爸媽媽嚟講，如果瞓覺時見到BB眼仔碌碌，鬼打咁精神望住自己，真係唔會覺得BB雙眼迷人。

台灣有爸爸帖文，上載一張囡囡瞓喺自己身後，眼碌碌嘅相。爸爸偷偷地舉起電話影低背後囡囡，留言話：「完全唔敢擰轉身面對。對到眼我就完了⋯⋯」

爸爸話因為只要囡囡一知爸媽已經醒就會扭計，扭起身，所以只要同囡囡對上眼，就如同自己嘅睡眠時間正式宣佈結束，就算幾想賴床，都係妄想！反而繼續扮瞓，BB會好乖咁躺住，幸運嘅話可能會瞓返，咁爸媽就可以瞓多陣呀！

唔少網民都留言話好有同感，仲話：「千萬不能對到！」、「絕對不要轉過去」但又有網民指，有時BB會爬過嚟檢查你係唔係合埋眼！爸爸之後就再貼後續文，又偷偷影下BB爬起身去揾另一熟睡中嘅姐姐，竟然搞笑留言話：「好險不是爬來找我！」但有網民就叫佢「千萬不要高興太早！」睇嚟大家都有好多經驗可以分享呢！

Text：Mami Editorial

Sources：爆料公社