媽媽拒放棄懷孕 成功進行胎兒手術修補BB脊髓

英國有媽媽喺懷孕20週時被醫生掃描胎B發現，BB患上脊柱裂，建議媽媽終止懷孕，但媽媽決定不放棄BB，反而接受高風險嘅胎兒手術。

近80%媽媽會因BB患有脊柱裂終止懷孕，但26歲嘅Bethan認為，BB仍然有發展嘅潛能，唔應該剝奪BB生存權利，所以決定進行胎兒手術。

喺懷孕24週後，Bethan接受胎兒手術。手術期間，醫生會先打開子宮，用特定器材將所有血管鉗制，確保膜組織被肌肉固定。之後會用超聲波揾出胎盤同胎兒嘅位置，觀察BB背部後，將脊髓放回椎管，整個過程BB都會留喺子宮入面，最後醫生會將切口縫合，令媽媽繼續懷孕，直至BB出世。

Bethan手術十分成功，成為英國首位成功接受胎兒手術嘅媽媽，醫生預計BB會喺4月出世，Bethan指自己從未後悔接受手術，因為「雖然胎兒手術喺以前或會存在好大風險，但宜家科技進步好多，我哋都要相信，而且絕對唔可以由自己判BB死刑」。手術後，Bethan指「BB每日都踢我，依種感覺手術後都未變過！」

脊柱裂係由於BB大腦及脊髓未完全發育所致嘅疾病，導致脊髓同脊椎骨骼出現空隙或缺陷，一般媽媽或會終止懷孕或待BB出世後接受手術，但係大部分患病BB出世後神經系統已損害，會發生腦積水，下肢部分或全部癱瘓情況。

一般胎兒手術要到美國、瑞士或比利時進行類似手術，根據統計，英國每年約有200個嬰兒患有脊柱裂。現時醫學界尚不清楚患病成因，但確認缺乏葉酸會增加患病風險，大多病例會喺BB 20週時掃描檢測到，

Text：Mami Editorial

Sources：Daily Mail