母乳媽媽與囡囡的連結 拒飲母乳令媽媽發現患乳癌

英國有位母乳媽媽喺囡囡拒埋身飲人奶後發現，患上乳癌。醫生指，囡囡拒食行為某程度救咗媽媽一命。

40歲嘅Claire已經係3個小朋友嘅媽媽，喺一次偶然發現，點解囡囡Matilda肯埋身飲左邊乳房，但右邊就唔肯靠近；只要一抱過去右邊，囡囡就會將頭轉開，好似厭棄，覺得好臭咁，甚至拒絕靠近。

因為埋身初時，Matilda都唔會拒絕，係去到4月後開始出現咁嘅反應，令到自己開始懷疑自己左乳房係唔係出現問題。

Claire於是去睇全科醫生，醫生初時都話無咩事，可能係BB習慣問題，叫佢唔洗擔心，但自己直覺囡囡拒食應該係自己身體出現問題，所以再去做超聲波檢查，結果發現，左乳頭後面有一個10cm長嘅腫瘤，而癌細胞已經擴散到身上淋巴結嘅90%，需要立即進行切除手術，最後亦進行6次化療。

經過1年治療後，Claire逐漸康復，感動指媽媽同囡囡果然係無法分割「當我被確診患癌嘅時候，佢已經開始擴散。當佢大個嘅時候，我會話畀佢聽係點樣挽救媽媽嘅生命」

Text：Mami Editorial
Sources：Mirror