媽媽驚BB中流感 請奶奶幫手湊點知BB變成⋯⋯

有台灣媽媽喺網上帖文，話自己因為中流感，所以想同BB隔離，就請奶奶幫自己湊BB，跟住湊返屋企時發現咗BB有驚人變化。

台灣媽媽斑比分享自己囡囡被奶奶湊咗5日後嘅變化，BB由尖臉變到有雙下巴，留言話：「一夜大一寸，養的超好的，哈哈」，跟住帖文後就唔少網民話係「有種餓叫奶奶覺得餓！」。

有網民留言問媽媽有冇咩偏方，媽媽見咁多網民留言後，就話：「BB宜家係1個月21日，其實奶奶湊時都（應該）無用偏方湊，就係3-4個小時喝奶，奶量90-120cc，但奶奶餵竟然每次都飲晒！」仲有另一變化就係，奶奶湊時BB都好好瞓，仲會瞓好耐，媽媽自己都覺好神奇。媽媽亦指奶奶相當疼愛BB囡，而且成日幫BB打扮去影造型照，覺得BB同自己都好幸福，令唔少網民羨慕「我奶奶為何不是這樣！」

Text：Mami Editorial

Sources：爆料公社