冧爆老婆系列 張繼聰即場問人借樂器演唱畀老婆聽

由噚日情人節開始，社交網站上就不斷又唔少放閃，其中張繼聰嘅放閃行動簡直可以攞年度大獎！

話說張繼聰一開始就喺社交網站，帖上同囡囡喺摩天輪錫錫嘅相，仲留言話係「激嬲老婆系列」，唔少網民都留言話「竟然陪前世情人？當老婆無度？」

當大家以為情人節張繼聰會一心一意陪囡囡時，原來佢帶老婆去到海旁邊，仲問現場做街頭演唱者借樂器，即場演唱「每天愛你多一些」送畀老婆，老婆話唔要d物質禮物，但係要難忘嘅冧豬嘅幾十年後都記得嘅，於是我帶佢去海旁，問班年輕人借咗d架生......」

片段上老婆謝安琪望住老公演唱時相當冧，睇嚟依份「禮物」老婆相當滿意，應該唔記得啱啱老公顧囡囡唔陪自己喇！

除咗張繼聰街頭演唱外，原來同場仲有周國賢都帶咗老婆，兩位老公更即場合唱，齊齊氹老婆，相當浪漫。

原來張繼聰對自己今次嘅情人節「禮物」相當驚，話：「邊唱邊淆」、「誠意搭夠晒」、「唱得唔好都冇得介意」咁浪漫嘅舉動老婆又點會唔變貨呢！

Text：Mami Editorial