情人節前夕慶祝相識10年 陳智燊乘機向老婆示愛

娛樂圈嘅模範夫妻陳智燊宋熙年，結婚2年，喺情人節前夕慶祝相識10年，陳智燊拍下老婆學法文嘅短片，然後乘機示愛，真係羨煞旁人。

宋熙年喺社交網站發佈指同老公相識10年，其實真係有啲悶，所以揾老公學法文，但點知被老公浪漫示愛，仲搞到臉都紅晒，原來係宋熙年請老公教自己用法文講「我愛你」，點知老公就用法文同老婆講：「今晚可唔可以帶你返屋企過夜！」搞到宋熙年臉紅，但立即指證老公：「唔係依句呀！」但老公就好奇點解老婆會識依句，原來係陳智燊曾經同老婆講過。

其後宋熙年就話自己學講法文個樣好傻好蠢，但老公喺片中就不斷深情望住老婆，仲留言話：「雖然你宜家有小小傻，但就好似我當初第一次見到你一樣，我已經睇咗段片無數次，我真係好鍾意！」

陳智燊同宋熙年結婚1年就已經成功造人，育有一子，陳智燊其後開始淡出幕前，相當享受做爸爸同老公嘅生活，唔少人都建議陳智燊出返嚟拍戲，覺得陳智燊無好好喺TVB發展事業好可惜，但陳智燊就話：「入TVB最大得著，就係認識到太太宋熙年，迎娶太太宋熙年，已經係我人生嘅大獎。」

Text：Mami Editorial

Source：陳智燊@IG