地表上最強孕婦陳意涵 初五順利產子 : 第一眼看到寶寶雙眼皮

36歲台灣藝人陳意涵同導演許富翔係上年8月結婚，同月宣布有咗BB，喺今個新年期間喜上加喜，因為噚日陳意涵係社交平台上發左2張相向大家宣佈BB已經係今個月9號初五嗰日出左世喇。

啱啱踏入新一年幾日，陳意涵嘅BB就出世喇，BB重約5.2斤，高約50cm，乳名叫小初，係一隻豬囝。媽媽就話小初似自己，好好彩同樣有一對雙眼皮。

陳意涵曾經被網民稱為地表上最強孕婦，因為佢佗B嗰時除左keep住拍戲之外，仲keep住做運動。講緊嘅運動唔係跑步咁小兒科，而係仲有行山！

仲有游水！

不過因為陳意涵一向都熱愛運動，出哂名叫元氣少女，所以有咗BB都無阻佢對運動嘅熱情。同時佢都有話過有keep住監測心跳，所以先咁夠膽咋。

講到地表上最強孕婦，其實陳意涵真係實至名歸架，因為佢係臨生小初嘅前一刻都仲係度玩緊砌圖，仲話啱啱好砌完BB就準備好出黎喇，小初真係錫媽咪啊！

恭喜哂陳意涵，祝佢地一家幸福快樂，小初快高長大！

Text : Mami Editorial

Photo ：陳意涵@微博