2大原因令凱特想為威廉王子再懷第四胎

37歲公爵夫人凱特同丈夫威廉王子（Prince William）已育有3名可愛仔囡，據英國傳媒消息指，凱特原來仍然打算再生多個小朋友！

5歲嘅喬治小王子同3歲夏洛特公主，年齡唔相差太遠，兩兄妹成日一齊玩，而啱啱媽媽再生下Louis，9個月大嘅Louis可能同家姐哥哥又一段距離，所以凱特希望生一個同Louis年齡相約嘅妹妹，期待2020年再懷孕，據說丈夫威廉王子都贊成！

令凱特產生依種諗法原來係因為大仔同囡囡嘅生活，見喬治同夏洛特兄妹情令凱特覺得特別窩心「喬治同夏洛特之間嘅聯繫令我覺得，如果Louis有一個年齡相若嘅妹妹，會係一件好幸福嘅事」。凱特希望Louis都能夠做哥哥，學習照顧妹妹，而唔係只得到哥哥家姐痛愛，令兄妹情延續下去。

英國傳媒更指，令凱特想有第四胎嘅原因係受王室影響，因為「奶奶」英女王伊利沙伯二世（Queen Elizabeth II）及同自己關係密切嘅丹麥王儲妃瑪麗（Mary, Crown Princess of Denmark）都有4名小朋友，所以令凱特都希望能夠兒孫滿堂。

做4胎媽媽絕對唔容易，但興幸凱特嘅「隊友」威廉王子相當支持老婆，指：「凱特好鍾意喺屋企照顧小朋友，而且會一直支持實踐自己夢想，亦會做任何事情令老婆開心，因為係我婚前對佢嘅承諾。」

有消息指，凱特希望自己能夠專注於家庭事務多於履行王室公務，因為見戴安娜王妃經歷後，想畀老公同小朋友一個堅固嘅家庭生活，而暫時皇室亦期待梅根同哈里王子喺四月份嘅第一個BB。

Text：Mami Editorial

Sources：The Sun