3歲男童靠單薄衣服喺0度森林生存超過48小時

美國北卡羅來納州有位3歲男童喺森林入面失蹤超過48小時，獲救後身體無恙，搜救團隊形容為「奇蹟生還」，而男童竟指2日喺森林內，有熊同自己玩。

Casey失蹤時，森林天氣環境極度寒冷，氣温降到0°C ，擔心Casey會因為失温或誤墮湖內失救而死，所以整個救援行動都要分秒必爭。

Casey太嫲指，Casey星期2喺後院失蹤，家人發現曾孫失蹤後，已係森林揾咗45分鐘再報警，警方展開大規模搜索，更有600名義工參與搜救行動。

其後搜救團隊係星期4聽到，有小朋友係樹林深處喊，最後成功發現Casey。而Casey當時被荊棘困住，身體無太多傷痕，衣衫都無破爛，只係覺得凍同身體因雨水而濕透。

屋企人同警方都擔心Casey心理會有影響，但Casey反而好似無受到太大驚嚇，仲話：「有熊係森林陪我玩，玩咗2日，宜家最想睇卡通片。」

當地警方亦表示，Casey同樣喺獲救後提及，有熊朋友陪自己玩咗2日。雖然有人懷疑係男童出現幻覺，唔能夠證實係咪真係有熊守護Casey，但仍然慶幸Casey能平安返屋企，家人亦多謝大家嘅協助同埋「感謝上帝帶隻熊陪伴Casey」。

Text：Mami Editorial

Sources：Daily Mail