嫁到呢個星座嘅老公好幸福！十二星座好老公排行榜

每個女人都希望嫁到一個疼愛自己同孩子嘅絕世好男人，但原來對婚後對老婆係點，由星座都可以推算到一二，大家覺得身邊嗰位又係咪一位好老公呢？一齊睇下十二星座好老公排行榜！

第一名：巨蟹座

體貼又顧家嘅巨蟹老公，出名係愛妻號，唔捨得老婆辛苦嘅佢哋會願意將一切家務、湊BB嘅工作都攬上身，然後囑咐老婆好好休息。

代表明星： 張學友

第二名：雙魚座

雙魚座一旦願意步入婚姻嘅殿堂，咁就證明佢哋真係好愛老婆。雙魚老公亦係出名嘅老婆奴，婚後會完完全全聽老婆嘅話。

代表明星： 鄭中基

第三名：獅子座

雖然獅子老公強勢又好面子，但喺婚後會非常疼愛老婆，亦唔會顯得好強勢，會想畀對方過最好最好嘅生活，所以嫁畀獅子老公都好幸福！

代表明星：陈奕迅

第四名：天蠍座
天蠍座亦係公認嘅好老公，對愛情係好認真同負責任，最痛恨背叛嘅佢哋絕對唔會有出軌嘅諗法，不過就要忍受一下佢哋嘅佔有欲。

代表明星：黃曉明

第五名：金牛座
金牛老公雖然唔浪漫，但就係一個負責又老實嘅好男人，對愛情非常忠誠，會賺錢而唔會亂花錢。

代表明星：周潤發

第六名：摩羯座
摩羯老公為人比較木訥，雖然都唔太識得浪漫，但係就實在好依靠。

代表明星： 張繼聰

第七名：處女座

處女老公對另一半會比較多要求，有時喺生活上亦會有啲難服侍，不過就好理性同可靠。

代表明星： 張智霖

 第八名：天秤座

天秤老公好識得營造甜蜜氣氛，好擅長浪漫，不過佢哋對好多異性唔錯，有時會令另一半感到不安。

代表明星：劉德華

 第九名：牡羊座

牡羊老公對愛情好忠誠，不過有時就係太直接同衝動，同另一半相處好多時一有拗撬，就會控制唔到情緒而講出一啲傷人心嘅衝動說話。

代表明星：陳豪

第十名：射手座

射手老公相對有時會比較幼稚，唔係好識得照顧自己，更加唔好話要照顧另一半同孩子，所以另一半好多時都要靠自己，要獨立一啲。

代表明星： 張家輝

第十一名：雙子座

雙子老公總係口講就叻，好少會落手做，令另一半覺得唔可靠。

代表明星：黎諾懿

第十二名：水瓶座 

水瓶老公非常善變，常常令另一半感到好難捉摸，相處上亦會比較難適應。

代表明星： 張衛健

婚姻中最緊要係夫妻倆都搵到令彼此舒服相處嘅模式，每對夫妻嘅相處永遠係其他人所唔能夠體會，所以既然決定得一齊白頭到老，性格係點都好，最緊要互相欣賞、尊重、遷就同包容！

Text: Mami Editorial

Photo Source： Pinterest, 張繼聰@IG, 徐濠縈@IG, 黎諾懿太太@IG