【我最近好嗎？全職媽媽就是為見證BB嘅所有第一次】

成為Full-Tim Mom （FTM）已兩個月，見返好多朋友、舊同事，大家都會問起我近況，成為Fulltime Mom 後的轉變⋯⋯

1.比以前累
體力上需求大左，雪雪好食得，佢越來越重，加上開始活動更多。

陪佢玩/湊佢＝爬來爬去，又要企，我就要周圍護航，跟到實，很多時仲要抱住，今晚係地墊玩左15分鐘，已經累到癲……

2.自己Me-time 其實唔多
之前有很多Plan...又想讀書，又想教琴，又想做freelance, 到宜家，一樣都未開始，其實每天好忙，姐姐通常做家務，佢訓左先係me-time...不過都慢慢實踐緊之前目標，首先幫雪雪行到BLW，睇多左書，開始報班學多點新野，睇返新聞，整passport....寫日記...寫blog....煮野食...幫志豪手..彈琴..ukulele.....etc

3.同雪雪親密左
以前，相處好少，有時甚至覺得唔知點同佢玩，宜家熟識多左好多，觀察佢每一個變化，出牙前的動靜，眼訓係點，開心係點，驚驚係點，大便係點，識講野，慢慢點樣識玩D玩具
全埋身食奶，每次掀起件衫，佢就笑，撲埋來，親密感爆燈

4.心情有時時好時壞

無限時的湊雪雪，不用趕住返工，不用擔心工作事，多左時間諗野，體驗到生活的美……
在家不是沒壓力...有時仍掙扎緊返工？幾時返工？返咩工？怕變懶...
見到志豪辛苦自己會唔開心，有時候日子每天時間表重覆著，在家待太久會悶

最近況就是今日，今日同雪雪，應母愛蜜語邀請，拍攝親子母乳相。我和雪雪兩母女的回憶又多左一件事。其實決定變FTM，這個決定問過好多人，其中有人同我講：你想雪雪學懂說第一句話，行第一步時，而你在上班嗎？

成為FTM有得有失，但見證到很多雪雪的第一次，陪到佢這第一階段的成長，仍然是值得的，希望雪雪長大後也有同一感受吧。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：雪雪雪媽的一些事

Photos：雪雪雪媽的一些事 & Shutterstock

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！