菲律賓媽媽難產過世 留下5歲及剛出世仔仔

關於離世依嗰話題，大人都會覺得好難理解，甚至難受，更何況要小朋友面對生死問題，真係難以用言語解釋。

菲律賓有位媽媽不幸因難產過世，留下5歲大仔Khayne同剛剛出生嘅細仔Cyril。但因為Khayne年紀仲細，對於媽媽離世嘅事不太理解，身邊嘅大人亦唔忍心同Khayne講「媽媽已經離世⋯⋯」

Khayne嫲嫲喺社交網站帖上依件心碎嘅事，指對於Khayne嚟講，媽媽係自己嘅一切，當佢知道媽媽已經無法再陪伴自己時，完全無法接受，大喊話：「媽媽只係瞓著，佢會醒㗎！我會乖乖咁等佢。」喺媽媽嘅喪禮中，Khayne靜靜咁趴喺媽媽棺木上，透過玻璃望入瞓喺棺木上嘅媽媽。

最令人傷感係，Khayne完全唔肯離開媽媽嘅棺木，足足喺旁邊守候咗24個鐘。嫲嫲將依幾段令人心碎畫面拍低，話Khayne十分相信媽媽會起身，要陪住媽媽，但有時因為太攰，就挨住櫈瞓，更將櫈拼埋一齊，拎埋枕頭瞓喺媽媽棺木旁邊，因為Khayne覺得「媽媽會醒，然後同我一齊」。

對於依件事，嫲嫲好傷痛話：「Khayne問我，點解媽媽唔可以再陪佢瞓覺，我真係唔知點同佢解釋依一切。」帖文發佈後，好多網民都留言給予鼓勵，希望Khayne同家人都可以走出傷痛。

Text：Mami Editorial

Sources：SAYS