對Selina婚姻的經歷 任爸一直自責於心

台灣女子組合S.H.E成員Selina任家萱最近同爸爸（任爸）、妹妹一齊上節目，談到愛情觀，喺節目入面Selina同爸爸提到自己過去婚姻，再次流淚，而且任爸更痛心自己婚姻誤導了Selina。

37歲Selina出道至今形象都係小鳥依人，係有愛情就飲水飽嘅小公主，而任爸喺台灣嘅形象更係好老公、好爸爸，所以對於Selina嘅婚姻，眾人都相信一定會係好美好。

但人生從來都唔係平坦，Selina喺2010年10月不幸因拍戲燒傷，當時全身有54%灼傷，依場意外對於喺同年已訂婚嘅Selina嚟講絕對係大打擊，但當時前夫張承中仍然對Selina不離不棄，即使Selina曾經提出退婚，前夫亦義無反顧都要同佢一齊，兩人最終係2011年完婚。

可惜依個不離不棄嘅佳話無變成永遠，喺2016年兩人離婚，結束4年婚姻，令到唔少人訝異，用時擔心依位小公主會受挫。

喺節目嘅真心話環節中，Selina被問到「你相信愛情嗎？還有勇氣接受愛情嗎？」時發現，原來爸媽嘅美滿關係同形象一直影響自己兩個囡囡，令囡囡遇到愛情失敗時，受到重大傷害。任爸喊住話：「讓妳們看到的都是正面的形象，不好的你們從來都看不到，然後你們也習慣性不會拒絕，所以在你們的成長中，受到許多的傷害，這是爸爸最大的遺憾。」當時Selina定了數秒，忍住淚，更用紅酒壯膽答：「相信，因為我覺得看到你跟媽媽，我其實還是相信。」

之後Selina更安慰爸爸話：「自己長大後就開始知道爸爸沒做錯，看見新聞和身邊朋友就發現，其實爸媽美滿的婚姻不是應該，是珍貴。所以我仍相信愛情，它還是存在的，但我相不相信愛情會發生在我身上，這是另一回事。」更話「我都有勇氣離婚了，我為什麼沒有勇氣接受愛情。」

Selina生活上雖然受到唔少挫折，但反而令Selina變得更堅強獨立，而疼愛Selina嘅人一直都在，妹妹係環節後段更喊住話：「其實我期待你談戀愛比期待自己更多」而Selina都知道其實家人想自己再擁有婚姻，原因都只有一個，就係想自己有人疼愛同快樂。

Text：Mami Editorial

Photos：Selina@IG