BB識聽唔識講？ 5招教BB開口說話

當BB可以理解嘅說話愈黎愈多，爸爸媽媽會逐漸發現BB會聽得明部分指令，如「抱抱」、「畀」等，亦會知道物件嘅名，如「奶奶」、「波波」⋯⋯但係爸爸媽媽亦會開始苦惱，明明BB知道呢啲物品，亦會手指指要求爸爸媽媽拎畀自己，不過就點都唔肯開口講出呢啲物件嘅名。其實想BB習慣開口表達自己需要，爸爸媽媽可以平日用以下5個方法鼓勵BB學講嘢：

1.放慢提高語調：
同BB說話時要放慢同講清楚，可以提高語調方便BB模仿。但要留意儘量唔好用娃娃音同疊字，用正常大人講話嘅方式教BB。

2.面對BB說話：
同BB面對面說話，等BB可以睇清楚大人講嘢嘅唇形，方便BB學習同模仿。

3.重複關鍵字：
呢個階段嘅BB正累積自己嘅詞彙，所以爸爸媽媽最好將日常生活中常出現嘅單詞重複講畀BB聽，先可以令BB牢牢記住。而且記得要講物件嘅名稱，而唔好用代名詞，如同BB講：「將碗放喺枱上」而唔係「幾碗放喺嗰度」。

4.結合日常情境：
將日常中任何人嘅活動都化成句子話畀BB聽，如：「媽媽著好鞋，開門出去喇！然後用鎖匙鎖門。」 可以一一講解唔同情境畀BB聽。

5.唔好太主動給予：
當BB指著某個物品想大人去拎嘅時候，好多時大人都會立即順從BB嘅要求而拎畀BB，變相令BB失去開口表達自己需求嘅機會，其實家長應該喺BB經常指向同一件物品時，先重複話畀BB聽物品嘅名，等BB知道呢樣物品係點叫，然後再慢慢引導BB去開口講出自己嘅需求。

6.練習完整句子：
當BB願意自己講出單詞嘅時候，爸爸媽媽可以乘機用完整嘅句子重述BB嘅說話，為BB示範完整嘅語句。例如：當BB講奶奶時，爸媽可以回應：「BB想飲奶奶喇！」

Text: Mami Editorial