【包包去哪兒 の 日本包車初體驗 ★ HEA遊箱根 】
去日本近郊遊 大部分旅客都會選擇自行坐鐵路前往 自駕遊或報Local tour
今次誠意推介俾各位同行有長輩及小朋友的五星級日本包車服務
台灣/泰國包車自遊行 相信大家都唔會陌生
但係日本包車玩足十個鐘又試過未 原來六人座收費約$3300左右
(更有9人車/ 13人車及18人車以供選擇 就算大家族出遊都冇問題)
*泊車停車場費及橋費另計 人均車費約六百多元 如果加埋lunch同遊覽費 其實同跟local tour費用差不多
但可自訂行程 及有專業司機為你們這一家服務 真心覺得超值
預訂方法
預訂方法非常簡單 只要選定包車日子後 便可於網站自選同行人數之車輛及網上付款 (全數)
(而泊車及橋費會於回程時付清)
先選定自由行路線 出發前會給予司機的聯絡方法 及列出接送時間及指定地點
有嬰幼兒同行則需列明歲數以便安排baby car seat
今次我哋所選嘅包車遊地點為箱根 出發時間則選擇早上九點半(10小時) 即回程為晚上七點半
前一晚司機會用Line聯絡我 及再次確認於指定時間及地點接送
大家大可放心 他們會安排識廣東話/普通話司機為你效勞的 不用擔心言語不通問題
司機非常準時 九點半便於酒店門外等候
我哋今次包這款是9人車 大車非常寬敞 車尾箱還可放下bb車及各人的隨行物品
車上更有免費wi-fi 提供
上車時司機會跟我們商談是日包車行程
他建議我們到達箱根 可先坐海賊船觀光遊覽
如不塞車的情況下 約兩個小時車程便可到達箱根
箱根位於東京郊外 溫度較市區略低 冬日出發既朋友要多加保暖衣物
一落車就見到這海賊船了 即提示我們也要急腳買船票趕這班船
成人收費為一千日元(單程) 小朋友收費為五百日元(以小學生計算)
出發前可參考這個箱根海賊船時間表
我們先從元箱根港出發 約25分鐘左右便可到達桃源台港 READY上船出發lu
海賊船分為四層 1樓2樓為室內 3樓4樓為室外
如果大家有興趣感受豪華體驗
大人可加500 yen 小朋友可加250yen 進入這個VIP船倉
是次行程我們攜帶了bb車 而整個旅程都無需收車
因為日本人的設計相當貼心 船內除了樓梯 還有升降電梯
方便同行的老人家使用輪椅或小孩使用嬰兒車
去到第三層就係戶外區 由於太有特色 遊客們紛紛在此打咭影相
出發沒多久便看見富士山 沿途風景非常治癒
放空好時機 眼前wall paper的模樣
睇完風景 因為實在太大風 要躲回室內船倉
船上有各式各樣既手信 小食及飲料 o岩晒無時無刻都要shopping既妳~
而電子屏幕會告知行程地圖 讓你對箱根有初步概念
船上洗手間非常潔淨 仲有bb換片板及3D畫娛樂大家
行去船頭位置 更會見到船長駕駛室
落船巧遇船長 就幫妳同船長拍照留念啦
再黎張一家4口大合照先
去到桃源台港 上樓梯便會經過一間餐廳 仲要係一間全海景餐廳 睇見都感覺RELAX
落船剛巧係LUNCH TIME 大家可以醫一醫肚
我就叫左人氣NO.1 咖喱蛋包飯 包爸叫左咖喱吉列豬扒飯 仲有包包婆婆的牛肋套餐
另外叫左個蕎麥麵set俾兩位小朋友 味道不錯 值得一試
再上一層就會去到覽車區 其實包車司機當時有兩個選擇
可以在此接我們到山上遊覽或自費坐覽車 一場黎到當然要咩都試下啦
我地最後選擇了坐覽車
桃源台車站-大涌谷車站 收費如下:
單程 成人 1120日元 小孩 560日元
覽車資訊 *出發前請留意天氣預報
出車為每分鐘一班 一車卡最多接載18人
所有覽車均設有BB車停泊位置 即是全個箱根旅程都不用收起BB車
*抵我咁鐘情日本 果然係東京近郊親子遊入門版
箱根一年四季都有不同景色 既然到此一遊 應該感受一下覽車風光
我們一於由桃源台出發前往大涌谷
於覽車上清晰可見的富士山
眨下眼就到左大涌谷
原來大涌谷係由火山大噴發而成的火山口遺蹟 又稱為“地獄谷”
哩度最出名有黑蛋 黑玉子即是黑雞蛋 原來黑色雞蛋殼係因泉水中的硫磺跟鍋中的鐵質結合而成
聽講食一粒可以延壽 7 年
去到大涌谷 四處瀰漫住陣陣白煙 仲有強烈既硫磺氣味 而火山口既硫磺更令大涌谷既土地薰成青青綠綠色
大自然奇觀 包包都睇到嘩嘩聲~
到此一遊後 司機大哥就於停車場接我地 原先計劃前往看富士山
突然經過一片芒草原 好靚哦
自己包車既好處就係可以修改行程 所以就請司機大哥停車等我地一陣
嘩! 去到人山人海 大家沿途行上芒草山 我地為左爭取時間
只於入口處影幾張靚相
由於冬令關係 日本時間五點幾 天就開始黑 因此我地就轉戰附近的Outlet
1312, Fukasawa
Gotemba-Shi, Shizuoka, Japan
412-0023
場內設有210間名店 應該要花一整日時間先可以行完~
如時間有限 就要拎場內地圖 前往心儀品牌敗家一番
司機大哥於場外泊車等我地 仲約我地於指定時間集合 因返回市區也需時
而沿途行去Outlet仲可以遠挑富士山 好幸運哦~
貼心Outlet仲有Combi手推bb車借用 取車時入100yen幣 還車時便可退回
細佬b坐得幾爽 咬住手指shopping探索中
各大名牌outlet售價由20%off 至50%off不等
只可惜burberry kids冇細佬b既碼~
黃昏時分 見證住太陽同月亮交替
即代表是次二寶瀛遊東京之旅到左尾聲
再一次多謝同行既屋企人幫手照顧
帶二寶去旅行 由計劃行程, 執行李, 坐4個幾鐘頭機 都咪話唔辛苦
不過睇番一張張旅行相 非常值得的
那怕細佬B只得一歲 對旅行沒什麼概念
不過媽媽都係會繼續陪您地看世界 從遊歷中學習
總結是次日本五星級包車HEA遊箱根の 初體驗 係"正! " 既
就連各位同行長輩都大讚好玩過跟local tour/自駕遊
一黎唔駛咁早起身趕鴨仔團 二黎可以柴娃娃一家人自訂行程
比起自駕遊 有當地專業司機接送更安心 更唔駛自駕認路睇GPS傷神
東京親子遊 2018
福岡親子遊 2018
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
