【如何令BB入睡？絕對係爸媽最想知的課題】

By 雪雪雪媽的一些事 on 21 Jan 2019

雪雪是2018年3月出生的BB，最喜愛吃母乳，其次是食，她是一個半途出家的BLW BABY，同其他BB一樣，她也喜歡玩和睡，對鏡頭有相當敏感度，很喜歡笑的BABY，雪媽，喜歡音樂，不知會否感染雪雪呢？雪媽曾是電視新聞節目主持、記者目前是全職媽媽，全天候照顧雪雪本身沒想過生B後要辭工作，成為全職媽媽。不過生B後，發現若要上班和女兒相處時間實在太少。女兒成長只得一次，同雪爸商量後，決定就算要用儲蓄都要陪伴阿女成長頭幾年。辭工後，時間多了雪媽也想趁著這期間，做更多以往想做，又未有時間做的事。例如是，音樂，專注研究阿女飲食，陪雪雪玩，管理家庭，協助雪爸工作等，還有是寫專欄。希望可在湊女時抽空記錄一下，別把全部心機放家庭。關於雪媽和雪雪她們有很多事想分享、想告訴大家就用這專頁把這一切都記錄下來

如何令雪雪入睡？這個課題永遠是，爸爸媽媽最想知的，包括我和雪爸。

因為實在唔想再行走廊抱住來回好多次
或者每晚又抱又喊一大輪

看著看著

懷孕時看的衛生署短片：睡眠常規
記憶猶新
同埋睇書「從0歲開始」都有提到睡眠常規
就開始試著做

1. 分開玩同睡的地方
初時我們會將BB床日頭推埋出廳，佢瞓同玩都係在床上，（剛出生頭兩個月），但原來咁樣會慢慢佢又會混淆左，究竟這時是睡或玩？所以就正式開返張PLAYPEN，玩在PLAYPEN，睡在床。上床就是睡覺，午睡也好，晚上也是。

2. 日常次序是有規律咁食，玩，睡，而不是玩，食，睡。玩到累先睡。但這樣好難做，雪雪好多時都想食奶睡。所以到現在都無跟。

3. 睡眠常規，就是每晚臨睡前都做同一組活動：*每晚時間最好一致

雪雪的睡眠常規就係咁：食奶，換片，入房，抱抱，放床，祈禱，搖床，拍拍佢（重覆，慢慢減低頻率），關燈，離開房。

就係咁，一、兩個星期，雪雪好快就自己入睡，一放落床，就訓到。仲要是晚上七點訓到早上6點。可說是天使BB。

維持左5個月到。
當我成為FTM後，情況開始唔同，

可能痴媽媽，以往我唔在家，我未放工佢已入睡；也可能是她長大了。以往睡眠時間晚上7點，越來越唔肯訓，我地就順勢，延遲入睡時間，順便俾佢食多餐固，晚上同我們一齊晚飯。

這階段，雪雪通常，晚飯後，埋身食奶就訓到。

但維持左兩星期唔夠，開始唔得，有時都幾激氣，又喊，抱又唔肯，搞成個幾兩小時，有一次媽媽同我講，唔好俾壓力自己，唔好預佢訓，咁樣會好D，最終，又再調整睡眠常規。

1. 入睡房開暗燈
2. 床上親子安靜活動（由佢爬，食奶，睇書，按摩，傾計）
3. 15分鐘到，見佢捽眼，放回床
4. 禱告
5. 佢在床上依然繼續好動，慢慢關燈
6. 太嘈，抱下，安撫下，再放回床
7. 15分鐘後開始小小累，佢可能會開始啜手指，啜到入睡
8. 未入睡就抱起餵奶，咁上下佢甩口，少少睡意，抱佢返上床，自己啜手指訓。