吳日言變成媽媽後 愛BB仍愛自己生活

藝人吳日言（阿Yan）同圈外男友拍拖17年，上年11月喺生日?陣就生下囡囡Beatrice。但阿Yan喺陀B?陣就經歷咗好多辛苦事，先係發現有朱古力瘤，然後就患上妊娠糖尿，每日要打4支胰島素針控制血糖直至BB出世。之後BB健康出世，阿Yan都鬆一啖氣，而且仲好易畀BB氹到添！

初生BB好多時候都會喺睡夢中，露出微笑，媽媽見到BB笑當然會好開心。近日阿Yan就分享咗一張囡囡笑嘅相，留言話：「初生BB係唔識得開心，佢展露嘅笑容，只係肌肉嘅反射。無論如何，媽媽見到呢個笑容，唔理係真係假，都一樣被融化。」

阿Yan時不時都會分享湊囡經歷，但作為藝人嘅佢絕對無放棄演藝事業，覺得時下女性係好全能，家庭同事業係可以兩兼顧，仲鼓勵其他媽媽唔好畀身份改變影響自己：「身份雖然改變，但心境仍然未變。我愛我嘅小朋友，但同時亦愛我嘅生活。」所以，家下做媽媽真係好叻㗎！

Text：Mami Editorial

Photos：吳日言@IG