上月旺角4歲兒童被虐案提堂 今月「契媽」終被判入獄

上月轟動一時嘅4歲女童慘遭「契媽」虐待事件，直至今個月17號終獲判決，兩名虐童被告分別被判2年10個月及2年8個月。

兩名女被告為女童媽媽獄中認識嘅朋友，因女童媽媽係毒品依賴者，常把兩個囡囡交予朋友托管。受虐女童為攣生長女，係交由兩被告托管期間，多次被辱罵、掌摑、拳打腳踢，甚至用打火機灼傷、虐待下體同用鐵夾夾鼻，部份受虐情況更被錄低。

呈堂片段足足長達10分鐘，片段中見到女童被虐待至雙手顫抖及不斷道歉求饒，惟兩位施虐者並無手下留情。直至一次女童被虐至遍體鱗傷，陷入半昏迷狀態，事情才曝光。

事件發生後唔少網民都大罵兩名被告毫無人性，應判處重刑。本月17號案件終有判決，法官指相信實際虐待情況比被告係警誡下承認嘅嚴重，難以估計對女童將來嘅影響，形容對兩名被告並無可寬容嘅餘地，終判兩人入獄至少2年8個月。

Text：Mami Editorial

Photos：Shutterstock