大韓民國萬歲越大越靚仔 鬼馬擺Pose扮美男

演出韓國節目《超人回來了》嘅三胞胎大韓、民國同萬歲，近日畀爸爸宋一國捉去剪頭髮。喺剪頭髮前，爸爸仲要幫囝囝紮咗嗰噴水池頭，唔少粉絲留言話超可愛！

宋一國喺社交網站分享三胞胎紮住噴水池頭嘅相，留言話：「明天是時候剪頭髮了」。

囝囝畀爸爸影嘅相入面大擺美男Pose，大哥大韓學Model扮憂鬱，懶洋洋咁瞓喺枱，而2哥民國就用手托腮，萬歲就斯斯文文咁展露笑容，網民話：「時間真係過得好快呀！美男子雛形已經出現了！」

三胞胎自從參與拍攝《超人回來了》後，吸引唔少粉絲，雖然已經長大，但時不時都痴住一齊，爸爸都成日上載囝囝生活照，極可愛嘅相為唔少粉絲帶來歡樂！

Text：Mami Editorial

Photos：宋一國@IG