每樣新食材要連續試3日 BB加固11個注意事項

當BB滿6個月後，BB需要嘅鐵質會大大提升，單單飲奶已經唔能夠滿足佢哋嘅需要，呢個時候，爸爸媽媽就需要開始為BB提供各種營養豐富嘅食物，促進BB生長同發展。想知BB準備好要食副食品未？爸爸媽媽可以留意下BB有冇以下嘅表現：

1. 靠椅背坐起來
2. 能抬起頭部
3. 能伸手抓物件
4. 對食物感興趣
5. 表現出十分想吃的樣子
6. 看見匙羹便張嘴
7. 把匙羹放進寶寶的口裏時，嘴唇能合起，含着匙羹
8. 能閉上嘴巴吞嚥食物

大部分到6個月嘅BB都會出現上述嘅表現，但如果BB到7個月都未有以上表現嘅時候，爸爸媽媽可帶BB去母嬰健康院請教醫護人員。

BB開始食副食品，爸媽需注意嘅事項：

1.喺餵奶前30 分鐘，或BB開始表現肚餓時，畀BB嘗試食固體食物；

2. 啱啱開始時每日一次，由半匙開始餵BB食食物糊，然後餵奶；如果BB願意食，你可以餵多一、兩匙，但須謹記現階段BB仍以餵奶為主；等BB逐漸適應後，可以慢慢增加分量及次數。

3.先畀BB嘗試加鐵嘅米糊或米粥三四天，然後喺米糊中加入肉蓉、蔬菜蓉或水果蓉；亦可畀BB單獨食呢啲食物蓉。

4.合適初初加固嘅食物：鐵質豐富嘅食物，如蛋黃、水果蓉、瓜菜蓉、嬰兒米糊等；

5. 寶寶清醒和情緒安定時才願進食，當他太肚餓，會不耐煩或哭啼，不是嘗試的時機；

6. 試任何新食材都應該喺日頭畀BB嘗試，可易於觀察BB進食後嘅反應，如有冇出現食物敏感。

7. 如BB出現食物過敏徵狀，會喺進食後數小時內或數天後出現，較常見嘅包括：風疹塊( 蕁麻疹)、濕疹惡化、眼、舌、臉、嘴唇腫脹、腹瀉、嘔吐。較罕有同嚴重嘅徵狀包括：呼吸困難、休克。

8.當發現BB有食物敏感徵狀應立即停止餵食該食材，等一個月後再嘗試，如徵狀嚴重，應立即帶BB求醫。

9. 如果BB嘅舌頭總係頂着匙羹、唔會吞嚥食物、或將食物吐出，表示BB仲未能夠食固體食物，可以一星期後再嘗試。

10.當BB適應食幼滑嘅糊後，就要嘗試食質感較稠嘅食物；

11.可按BB嘅需要，餵飲適量嘅水。

Text：Mami Editorial

Source： 衛生署