當孩子初次遇上其他小朋友 3個行為令大人們笑至合不攏嘴

無論係親朋戚友聚會，抑或係去playgroup、公園、親子親廳放電，孩子都少不免會遇上其他差唔多年紀嘅小朋友。當孩子意識到對方同自己一樣係小小嘅人類，總會感到陌生、害怕之餘又會好有興趣，好好奇對方會做咩舉動，而自己亦會嘗試同對方交流。

1. 模仿小朋友嘅舉動

孩子嘅模仿力都好強，除咗會模仿熟悉嘅大人外，見到同自己差唔多高度嘅「小人類」，會立即意識到大家係「同類」，除咗會暗暗觀察其他小朋友嘅行為外，亦可能會模仿對方嘅舉動，令父母興奮不已！

2. 想食其他小朋友嘅食物

本身係吃貨嘅孩子，即使本身已經食飽冇耐，一見到其他小朋友用餐，會走到其他小朋友面前，眼定定望實人，仲一副好想食嘅樣，令到被注視嘅小朋友非常唔自在，而父母就會感到好笑又尷尬。

3. 要人哋父母抱埋自己一份

當小孩尚未到或過咗「怕生保」嘅時期之後，面對其他陌生嘅面孔都唔會感到害怕，反而會好似好熟絡一樣，當見到其他小朋友被佢哋父母抱起嘅時候，有時小孩為咗跟足對方嘅舉動，甚至會要求對方父母抱埋自己，令大人們都爆笑！

當小孩開始要同其他小朋友社交嘅時候，父母就會醒覺到，係時候要教養小孩正確嘅社交行為，學會分享、禮讓同遵守紀律等相處之道，喺育兒路上又有新嘅挑戰！

Text: Mami Editorial