1-2歲嬰幼兒會識做啲咩？ 10項自理能力指標

BB由1歲起，無論係大腦發展定小肌肉發育都已經有好大嘅進步，BB會開始出現咩都想嘗試自己做嘅念頭，而有時會拒絕爸爸媽媽嘅幫忙。面對BB嘅主動，爸爸媽媽可能會驚喜BB嘅進步，省卻一部分照顧嘅工序，但亦會有少少失落嘅情緒。究竟1-2歲嘅BB會做到咩自理行為？大家可以參考以下呢10項能力指標，睇下BB做到幾多？

1.用飲管吸吮

可以用吸管吸吮水或果汁等飲料。

2. 咀嚼固體食物

副食品唔需要完全攪碎，已經可以咀嚼到小肉塊或小水果塊。

3.脫襪子
可以自己脫去襪，動作係拉住腳趾頭部位嘅襪，然後一直向外拉扯直到襪子被扯落黎。

4. 著鞋

可以自行著到用魔術貼或唔駛綁鞋帶嘅鞋。

5. 用杯飲水

可以拎起杯飲水，雖然喺飲水嘅時候，間中會唔小心整濕衫褲，但已經會用動作或簡單語言向大人表示唔舒服。

6. 自己進食

可以自己用手、餐具進食，雖然都會整污糟自己件衫，但唔需要大人協助餵食。

7. 會表示尿片濕

會用手勢或說話表示自己塊尿片濕咗，提示父母為自己換片。

8.可以打開糖果包裝

可以將糖果包裝紙拆開，拎出糖果。

9. 可以解開扭扣

可以喺無大人協助下，自行將扣好嘅扭扣解開。

10. 脫褲

可以自行用雙手將褲拉落黎。

Text：Mami Editorial