【BB4-5個月嘅變化 媽媽要學應對方法】

頭3個月既西瓜妹都一般bb無誤 食奶訓教發呆，踏入第4個月之後...簡直甩繩馬騮上身~分享一下我既應對方法！

-翻身翻不停！
食奶翻,訓教翻,起身翻,換片翻,換衫翻。西瓜妹係極中意翻身難為媽媽同婆婆好似捉雞仔咁~依家一放低佢就會放低個牙膠/玩具吸引佢..之後極速換片換衫如果訓教扭轉身 我會訓係佢隔離同佢面對面打側身哄佢訓!

-口水多到不得了
第4個月開始 佢開始流口水同boo口水 我係完全估唔到佢個口水量多到咁誇張,終於知當初我家姐買勁多條比我有咩用！一日消耗10條 好誇張~因為你唔帶口水巾 d口水會成面同頸同衫都衫。。口水巾係呢個階段係必需!

-厭奶期
厭奶期開始 奶飲得少教又訓得少~個段時間我形容佢係煉仙期唔知精力由邊到黎~我呢個佛系媽咪其實又無擔心過因爲身體健康就無問題

-出力咬
話說我自後番工後 都有keep住埋下身~點知會有一日佢無啦啦出力咬！我叫左一聲之後 佢就笑(佢以為我同佢玩)~之後佢咬多下 我就用手將佢放口 再嚴肅少少同佢講:你用力媽咪會痛痛 如果再係咁媽咪無得再餵奶奶！之後佢就無再突然用力咬我~

-扭計
有時佢會扭唒計 無野想要純粹扭計~我就開始買d有聲玩具同比佢聽兒歌，關於兒歌 我就揀左首識唱既 一邊播一邊唱比佢聽~skidamarink係佢既至愛 一聽到I love you笑到好甜️

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：西瓜媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！